اعنية بيت الاشباح لوكر العصفور

من طرف **سحر** السبت ديسمبر 15, 2012 8:35 pm

شكلهم اصحاب البيت غاطسين في النوم
ياواد عندي احساس انو البيت شكلو مهجور
طيب امشي نستكشف ونشوف ايش الامور
ماعندك اي مشاكل بس لاتروح عني بعيد
بس افرض ضعنا جوا كيف ممكن الاقيك
اصرخلي وانا اعرف فين مكانك بتحديد
ياشيخ لاتشيل هم مدام اني لاصق فيك
يلا خلينا نمشي ولا تنسى تمسك فيا
يا ابني اشبك ساكت يا رأفت رد عليا
فجأه سمعت صوت ما كأنو صوت انسان
لا تخاف ياحلو ترى صاحبك في امان
عفاريت وشياطين في كل مكان
وريني كيف حتهرب والجو مليان دخان
طيب لو انتا ابن امك تعال الحق ورايا
يارأفت انت فين ياريتك بس معايا

الكورس
انا ماني عارف انا فين دحين ..
هل انا جالس احلم ولا في بيت الشياطين ..
انا ماني عارف انا فين دحين ..

ياسكور ياسكور ماني سامع ولا حس
انت فين عني رحت انا مخي اتلحس
البخور مره معبي كل مكان في هذا البيت
كني جالس عند مشعوذ ولا مع حجه في ديت
الجو مره مظلم ماني شايف اي شي
والبيت مافيه احد ولا حتى كائن حي
اصوات غريبه طالعه من الجدران
اصوات اطفال بتبكي مع كركبة فيران
الدنيا دارت فيا واشياء تضرب على وجهي
والارض ماهي ثابته واشياء تلعب في رجلي
ودحين في اشباح جايه بتجاهي بسرعه
وانا فاكها سبرينت جالس اجري من الخرعه
وطحت من مسافه بعيده عن الارض
وجسمي صار مكسر من الطول الى العرض
يارأفت الحقني
ياسكور انت فين انا طايح ومتكسر
وانا محاصر بين وحشيييين

الكورس
انا ماني عارف انا فين دحين ..
هل انا جالس احلم ولا في بيت الشياطين..
انا ماني عارف انا فين دحين ..

اتدردبت من الدرج ولقيت رأفت في وجهي
يواد كيف جيت لهنا ؟ مو وقتو يلا أجري
وفقعنا من الجني وطلعنا فوق السطوح
ولقينا غرفه فاضيه وماصدقنا الباب مفتوح
وجرينا على الغرفه ورى الباب اتخبينا
وشفنا بنت صغيره جالسه وظهرها علينا
خليني اروح اسألها لاتكون زينا محبوسه
طلع وجها هيكل عظمي وقاعده تقولي اديني بوسه
اعطيتها شلوت ونزلنا عالدور الأرضي
وشفنا واحد ميت على الارض جالس يحبي
دعسنا على راسو وهو مبتسم ويضحك
وكملنا الطريق وهو ورانا جالس يلحق
وعرفنا من الضحكه انو هذي النهايه
والموت هو الباقي الي فآخر الحكايه
يارأفت راح توحشني شكلنا اليوم حنموت
رح ننقتل انا وانتا ويرمونا في التابوت

الكورس
انا ماني عارف انا فين دحين..
هل انا جالس احلم ولا في بيت الشياطين ..
انا ماني عارف انا فين دحين ..

وفي نهاية القصه اتصل سكور برأفت وازعجو من النوم
وطلع بيت الاشباااح حلم هههههههههههههه

[/size]

[/center]

اعنية بيت الاشباح لوكر العصفور Hwaml.com_1377530770_403

اعنية بيت الاشباح لوكر العصفور

اعنية بيت الاشباح لوكر العصفور

رد: اعنية بيت الاشباح لوكر العصفور